ہندوستانی عوام مورچہ کے ضلعی صدر محمد سلطان احمد کی مغربی بنگال کے وزیرِ محنت و ٹرانسپورٹ ارجن سنگھ سے شائستہ ملاقات
کولکاتا: ہندوستانی عوام مورچہ (ہم) کے ضلعی صدر محمد سلطان احمد نے مغربی بنگال حکومت کے وزیرِ محنت و ٹرانسپورٹ ارجن سنگھ سے ان کے دفتر میں شائستہ ملاقات کی۔
ملاقات کے دوران عوامی مفاد اور علاقائی ترقی سے متعلق متعدد اہم امور پر تفصیلی تبادلۂ خیال کیا گیا۔ اس موقع پر محمد سلطان احمد نے وزیر موصوف کو گلدستہ پیش کرکے ان کا خیر مقدم اور اعزاز کیا، جبکہ مختلف عوامی مسائل اور ضروری معاملات سے بھی آگاہ کیا۔
وزیر ارجن سنگھ نے تمام نکات کو غور سے سنا اور عوامی مفاد سے متعلق معاملات پر مثبت تعاون اور مناسب کارروائی کی یقین دہانی کرائی۔
محمد سلطان احمد نے کہا کہ وہ آئندہ بھی عوامی مسائل کو مؤثر انداز میں حکومت کے سامنے اٹھاتے رہیں گے اور عوام کی فلاح و بہبود کے لیے اپنی کوششیں جاری رکھیں گے۔ یہ ملاقات خوشگوار ماحول میں اختتام پذیر ہوئی۔
